(ФОТО) Путин од парадата за Денот на победата: Против Русија се води вистинска војна

May 9, 2023
1 min read

Обраќајќи им се на војниците и на руската политичка елита на Црвениот плоштад, Путин рече: „вистинската војна е онаа против нашата татковина“. Рускиот претседател ги обвини западните елити дека ги поттикнуваат нациите едни против други, ги делат општествата, предизвикуваат крвави конфликти

ФОТО: EPA-EFE/GAVRIIL GRIGOROV / SPUTNIK / KREMLIN POOL

Рускиот претседател Владимир Путин го обвини Западот дека организира војна против Русија велејќи дека неговата земја сака мирна иднина и им се заблагодари на хероите на, како што ја нарекува, „специјалната воена операција“ на Русија во Украина.

„Нивната единствена цел е да го видат падот на нашата земја“,

рече Путин на парадата за Денот на победата на Црвениот плоштад во Москва.

Обраќајќи им се на војниците и на руската политичка елита на Црвениот плоштад, Путин рече: „вистинската војна е онаа против нашата татковина“. Рускиот претседател ги обвини западните елити дека ги поттикнуваат нациите едни против други, ги делат општествата, предизвикуваат крвави конфликти.

Тој додаде дека Русија сака мирна иднина и го обвини Западот дека сее омраза и русофобија.

Тој повторно ја спореди војната во Украина со Втората светска војна. Путин истакна дека е горд на војниците што учествуваат во, како што Кремљ ја нарекува, „специјална воена операција“ во Украина, и додаде дека тие се борат за безбедноста и иднината на Русија.

„Целата земја е обединета за поддршка на нашите херои. Се молиме за вас“,

им рече тој на војниците.

Путин пред војниците, кои стоеја пред него, меѓу кои имаше околу 500 што учествувале во руската офанзива во Украина, рече: „во моментов ништо не е поважно од вашата воена задача. Безбедноста на земјата денес зависи од вас, иднината на нашата земја и нашиот народ зависи од вас“.

Во својот говор рускиот претседател рече дека светот повторно е на пресвртница.

„Нема ништо во светот посилно од нашата љубов кон татковината. За нашата победа, Ура!“,

изјави Путин на крајот од своето обраќање.

По краткиот говор на рускиот претседател, илјадници војници продефилираа низ Црвениот плоштад.

Путин и другите присутни меѓународни лидери, вклучително и белорускиот Александар Лукашенко, положија венци пред гробот на непознатиот војник во Москва.

Денот на победата над нацистичка Германија е еден од најзначајните празници во Русија и секогаш е проследен со голема воена парада, но овогодинешната воена парада во Москва е многу помала од вообичаеното и се одвива под строги безбедносни мерки. Годинава го немаше воздухопловно шоу ниту по улиците продефилираа главните борбени тенкови, освен историскиот Т-34. 

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Фон дер Лајен во Киев: Украина е соодветно место за одбележување на Денот на Европа

Следно

Гвардиола: Лигата на шампионите речиси секогаш ја освојува Реал

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop