Според извештаите на руските железници, локомотивата и седум вагони натоварени со нафтени деривати и дрва излетале од шините, а причината за инцидентот ја нарекоа „интервенција на неовластени лица“
Товарен воз излета од шините во близина на границата со Украина како резултат на експлозија што се случи на околу 60 километри северно од границата, недалеку од градот Брјанск, соопштија руските регионални власти.
Регионалниот гувернер Александар Богомаз информира дека во експлозијата која се случила во 10:17 часот по локално време нема жртви. Според извештаите на руските железници, локомотивата и седум вагони натоварени со нафтени деривати и дрва излетале од шините, а причината за инцидентот ја нарекоа „интервенција на неовластени лица“. Поради инцидентот, сообраќајот во областа беше запрен.
Од почетокот на руската инвазија на Украина минатата година, имаше неколку извештаи за детонации на железничките пруги во регионот. Во октомври минатата година се случи експлозија на делот меѓу станиците Новозибков и Злинка.
Извор: 360stepeni.mk
