Најмалку две лица загинаа во новите руски напади на градот Запорожје во јужниот дел на Украина. Според информациите, во еден од нападите загиналe маж и неговата 11 годишна ќерка.
Руската армија ги извршила нападите рано утринава, а двете лица загинале откако руска граната го погодила нивниот приватен дом. Инаку, според украинските власти, само во изминатите 24 часа областа Херсон била гранатирана 71 пат. За време на нападите биле испукани околу 500 гранати од кои 32 го погодиле пристанишниот град Херсон, а за среќа во овие напади нема жртви. Украинските власти тврдат дека Русија таргетирала станбени објекти, далноводи, терминал за жито и бродоградилиште. Шефот на кабинетот на украинскиот претседател Андриј Јермак на Телеграм објави фотографија од урнатата куќа. Тој ги нарече напаѓачите „злобни животни“.
Русија претходно илегално ги анектираше регионите Запорожје и Херсон, но не успеаја да воспостават контрола врз главните градови во овие два региона.
Извор: 360stepeni.mk
