Американскиот претседател Доналд Трамп изјави во неделата дека Данска не направила ништо за да ја отстрани „руската закана“ од Гренланд и порача: „Сега е време и тоа ќе биде направено!“
„НАТО веќе 20 години и укажува на Данска дека мора да ја отстрани руската закана од Гренланд. За жал, Данска во тој поглед не успеа да направи ништо“, напиша Трамп во објава на социјалната мрежа во негова сопственост Truth Social. Белата куќа, данското претседателство со Европската Унија и данското Министерство за надворешни работи не одговорија веднаш на барањето на Ројтерс за коментар.
Трамп повеќепати инсистираше дека нема да прифати ништо помалку од сопственост над Гренланд, автономна територија на Данска. Лидерите на Данска и Гренланд остануваат на ставот дека островот не е на продажба и дека не сака да стане дел од Соединетите Американски Држави.
Во саботата Трамп им се закани со бран зголемени царини на европските сојузници додека на САД не им се дозволи да го купат Гренланд. Според тврдењата на Трамп, сè поголемото присуство на Кина и Русија го прави Гренланд клучен за безбедносните интереси на САД. Данските и други европски претставници нагласија дека Гренланд веќе е опфатен со НАТО-спогодбата за колективна безбедност.
Извор: tv21
