„Христовото раѓање е вечен симбол на надежта, светлината и победата на доброто над темнината. Овој голем христијански празник не потсетува на суштинските вредности врз кои се гради едно силно и стабилно општество семејството, почитта меѓу луѓето, солидарноста и заемната одговорност. Божиќ не повикува да се вратиме кон човечноста, моралот и духовните вредности кои не обединуваат.
Во време на предизвици пораката на Божиќ е потсетник дека само преку единство, правда и меѓусебно разбирање можеме да одиме напред. Таа не охрабрува да не се откажуваме, да веруваме во подобро утре и да вложуваме во општество во кое секој човек ќе има достоинствен живот.
ВМРО-ДПМНЕ посакува овој светол празник да ги исполни вашите домови со топлина, мир, хармонија и семејна радост, и да ја пренесе радосната и вечна порака: Христос се роди!
Но, во духот на празникот, да не ја заборавиме нашата обврска кон оние на кои им е најпотребна помош и поддршка, да им подадеме рака, да покажеме грижа и солидарност и да докажеме дека сме општество кое знае да стои заедно и во радост и во тешки времиња.
Само со чесен труд, искрена работа, одговорност и цврста вера во Бога можеме да изградиме праведно и просперитетно општество и да го подобриме животот на сите граѓани на Македонија.
Нека е честит и вечен Божиќ, празник на надежта и спасението.
Да е вечна Македонија!
Христос се роди!
Навистина се роди!“
Извор: kurir.mk
