Во пресрет на почетокот на новата сезона во Првата македонска фудбалска лига, Фудбалската федерација на Македонија (ФФМ) им посакува многу успех на сите клубови, тренери, фудбалери и спортски работници кои секојдневно работат на развојот на нашиот фудбал.
Од ФФМ најавуваат возбудлива, фер и квалитетна сезона која ќе донесе позитивни моменти, не само на теренот, туку и надвор од него. Посочуваат дека заеднички мора да се подигне нивото на натпреварување, да се зајакне фудбалската култура и да се биде пример за младите генерации.
ФФМ останува посветен партнер на клубовите, продолжувајќи со напори за обезбедување подобри услови, развој на инфраструктурата и транспарентно водење на натпреварувањето.
Со оптимизам и ентузијазам ја отвораат новата сезона, поставувајќи го фудбалот на прво место.
