Бразил истражува случај на говедска спонгиформна енцефалопатија (БСЕ) кај деветгодишен мажјак. Откривањето на случајот, објавено на 20 февруари, предизвика самонаметната забрана за продажба на бразилско говедско месо во Кина
Министерството за земјоделство на Бразил соопшти дека Тајланд, Иран и Јордан привремено го прекинаа увозот на говедско месо од Бразил додека властите истражуваат случај на кравјо лудило кај животно од државата Пара.
Министерството, исто така, потврди дека Русија го запрела увозот од државата Пара по откривањето на случај на кравјо лудило таму, се вели во соопштението испратено до Ројтерс.
Покрај тоа, Бразил го суспендираше извозот на говедско месо во Кина за да ги исполни условите од трговскиот договор. Има само една фабрика за пакување месо во државата Пара, овластена да продава производи од говедско месо во Русија, се додава во соопштението.
Бразил истражува случај на говедска спонгиформна енцефалопатија (БСЕ) кај деветгодишен мажјак. Откривањето на случајот, објавено на 20 февруари, предизвика самонаметната забрана за продажба на бразилско говедско месо во Кина.
Животното е убиено, а се чекаат тестови за да се утврди дали ја развил класичната форма на болеста или се работи за нетипичен случај, кој се јавува спонтано кај сите популации на говеда и не зависи од внесот на храна контаминирана со протеински честички – приони. Класичната БСЕ се смета за посериозна бидејќи вклучува контаминација со прион протеин и може да предизвика поширока забрана за трговија.
За прекинот на извозот во Русија претходно беше објавено во локалниот весник „Валор економико“, кој објави дека забраната стапила на сила во средата и се однесувала на живи животни, свежо и преработено месо и нуспроизводи.
Андреј Јурков, руски функционер за земјоделство во Бразил, одби да одговори дали Русија ќе ја укине забраната за увоз на говедско месо доколку бразилската влада потврди дека случајот е нетипичен, се вели во извештајот на Валор Екномика.
Извор: 360stepeni.mk
