Туркије: Над 617.500 луѓе евакуирани по воздушен пат од регионот погоден со земјотресот

ИСТАНБУЛ (АА) – Повеќе од 617.500 луѓе се евакуирани по воздушен пат од областите погодени од силните земјотреси што на 6 февруари ја погодија јужна Туркије, соопшти Управата за цивилно воздухопловство, пренесува Анадолу.

Извршени се вкупно 3.540 летови за евакуација на жртвите, соопшти Генералниот директорат за цивилно воздухопловство.

Исто така, извршени се 292 лета за доставување хуманитарна помош во областите погодени од земјотресот.

Дирекцијата координираше и 690 странски авиони кои превезуваа хуманитарен материјал во регионот.

Наведено е дека „Туркиш ерлајнс“, „Пегасус“, „Сан Експрес“, „Фрибрд ерлајнс“, „Кортекс авијација“, „Корендон ерлајнс“, „Тајлвинд ерлајнс“, „Ер Анка“, „Мави Гок ерлајнс“, „МНГ ерлајнс“, „УЛС ерлајнс“ и „АЦТ ерлајнс“ се приклучиле на операциите.

Повеќе од 45.000 луѓе загинаа во земјотресите со јачина од 7,7 и 7,6 степени според Рихтер, што беа со епицентар во Кахраманмараш, а погодија и 10 други области – Хатај, Газиантеп, Адијаман, Малатија, Адана, Дијарбакир, Килис, Османије, Шанлиурфа и Елазиг.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).