Украина: Во руски ракетен напад во Запорожје загинаа најмалку 4 лица

ЗАПОРОЖЈЕ (АА) – Најмалку 4 лица ги загубија животите, додека 8 се повредени како резултат на ракетните напади извршени од страна на руските сили во градот Запорожје во Украина, пренесува Анадолу.

Во соопштението објавено на Телеграм од страна на Канцеларијата на украинското Обвинителство се вели дека руските сили извршиле ракетни напади врз цивилни населби во Запорожје.

„Ракета С-300 удри во 5-катна зграда. Според прелиминарните податоци, 4 лица загинаа, 8 други се повредени, додека 5 лица се исчезнати, од кои едното е дете“, се вели во соопштението.

– Во тек се операциите за пребарување и спасување –

Операциите за пребарување и спасување продолжуваат во урнатините на зградата.

Службите ги продолжуваат напорите за пребарување и спасување на местото на нападот и го расчистуваат од остатоците од урнатините.

Како резултат на силната експлозија оштетени се и неколку објекти во околината, а во областа се поставени шатори за жителите чии домови се оштетени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..