Агенцијата за национална безбедност (АНБ) доставила три известувања до Јавното обвинителство за еден поранешен директор и група вработени во АНБ поради индиции за незаконско, непрофесионално и неетичко постапување.
Известувањата, како што велат од АНБ, се резултат на внатрешна истрага спроведена по смената на власта во 2024 г., а се однесуваат на постапувања во периодот од 2019 до 2024 г.
Внатрешната истрага довела до сознанија за оформување предмети за оперативни обработки на опозицијата, лидер на опозициска партија и група новинари и медиуми чија цел, според предметот, била уривање на власта.
Во врска со овие информации во јавноста, преку социјалните мрежи се огласи и екс директорот на Агенцијата, Влатко Димовски.
-Денес е ден за славење, а од утре аргументиран одговор на наводите од брифинг во АНБ одржан деновиве…, напиша на Фејсбук, Димовски.
На ова следуваше одговорот од новинарот Љупчо Златев.
-Најдобро е аргументите за аргументираниот одговор да си ги чуваш за на суд. Инаку, како оштетена страна – ќе барам државата да ми исплати оштета исклучиво од твој запленет имот, не се другите даночни обврзници виновни за твојот монструозен болшевистички мозок. Ќе си лежиш и ќе си платиш, му одговори Златев во коментар.
Извор: kurir.mk
