За три сантиметри е зголемен водостојот на Дојранското Езеро, а нивоата на Охридското и на Преспанското Езеро се исти како вчера.
Со тоа, според резултатите од последните мерења направени од Управата за хидрометеоролошки работи (УХМР), водостојот на Дојранското Езеро е за 2,57 метри повисок од просекот за јануари. Нивоата, пак, на Преспанското и на Охридското Езеро се пониски од просечните и тоа за 1,83 метри кај Преспанското и за 19 сантиметри кај Охридското Езеро.
Водостоите на реките во земјава најчесто се во рамките на повеќегодишниот просек за овој период од годината, но речиси кај сите имаат благо зголемување во споредба со вчера. Најголемо зголемување на нивото во последните 24 часа, за повеќе од три и пол пати, има реката Брегалница на мерното место кај Берово.
ИЗВОР: kurir.mk
