Прес-конференцијата на грчкиот селектор Иван Јовановиќ беше сосема необична.
Грците претрпеа тежок пораз од Данска во Атина (3:0), а за време на говорот на српскиот стручњак беше почувствуван земјотрес, чиј епицентар беше околу островот Евија, а треперењето беше почувствувано и во грчката престолнина.
На сред прес-конференција почна се да се ниша, по што Јовановиќ го прекина својот говор. Сето ова траеше неколку секунди, по што селекторот на Грција продолжи со анализата.
Патем, по две кола, Грција има три бода, додека Данска собра четири.
Извор: vecer.mk
