Зеленски: Тенковите од западните сојузници мора да бидат испорачани што побрзо 

January 26, 2023
2 mins read

Украинскиот претседател, во своето ноќно обраќање, исто така го повика Западот да испрати и ракети со долг дострел како и борбени авиони

Украинскиот претседател, Володимир Зеленски им се заблагодари на западните лидери за одлуката да испратат тенкови за поддршка на Украина во војната со Русија, но порача дека тие треба да бидат испорачани што е можно побрзо, пишува Би-би-си. 

Украинскиот претседател, Володимир Зеленски се заблагодари за помошта од Запад/Фото: Архива

Зеленски, во своето ноќно обраќање, исто така го повика Западот да испрати и ракети со долг дострел како и борбени авиони.  

Неговите коментари доаѓаат откако САД и Германија вчера објавија дека ќе испратат тенкови „абрамс“ и „леопард“ во Украина. 

Од друга страна властите во Москва ја осудија најавата за испраќање на тешките тенкови, нарекувајќи ја еклатантна провокација, додавајќи дека сите тенкови што ќе ги добие Украина ќе бидат уништени. 

 „Овие тенкови горат како и сите останати. Тие се само многу скапи“,

рече портпаролот на претседателот Владимир Путин. 

 Украинскиот претседател изјави дека му рекол на генералниот секретар на НАТО, Јенс Столтенберг дека „мора да се постигне напредок во другите аспекти на нашата одбранбена соработка“ – со тоа што Украина бара да и бидат испорачани и ракети со долг дострел и артилерија. 

 Тој, исто така, врши притисок не само за брза испорака на западни тенкови, туку и тие да бидат во значителен број. 

 „Мораме да формираме таква тенковска сила, таква слободарска сила што откако ќе удри, тиранијата никогаш повеќе нема да се крене“,

рече тој. 

Американскиот претседател Џо Бајден вчера  објави дека САД ќе испратат 31 борбен тенк „абрамс“ во Украина. Одлуката за испорака на тенковите беше објавена само неколку часа откако Германија соопшти дека на украинскиот фронт ќе испрати 14 од своите „леопард 2“ тенкови. 

 Берлин, исто така, го расчисти патот за другите европски земји да донираат тенкови од германско производство од нивните сопствени залихи. 

 Украина со месеци лобираше кај западните сојузници да ја испратат тешката воена опрема, за која Киев вели дека е неопходна за успешен одговор на најзината војска против руските сили. 

Таа ги поздрави најавите како пресвртница што ќе и овозможи на нејзината војска да го врати моментумот и окупираната територија речиси една година по инвазијата на земјата од страна на Русија. 

Исто така, се додава дека тенковите би можеле да помогнат да се одврати потенцијалната руска офанзива на пролет. 

 Објавувајќи ја одлуката за испраќање на тенкови, американскиот претседател Џо Бајден рече дека Путин очекувал Европа и САД да ја ослабат својата решителност во врска со помошта на Украина. 

 „Тој погреши од самиот почеток и продолжува да греши. На Украина исто така ќе и испорачаме и делови и опрема неопходни за одржување на овие тенкови во битка“,

додаде Бајден.  

Американскиот претседател рече дека станува збор за помош на Украина да ја одбрани и заштити својата земја, а не за навредлива закана кон Русија. 

Одлуката на САД, како што наведува „Би-би-си, сепак, означува пресврт во нивната позиција, бидејќи администрацијата на Бајден веќе некое време инсистираше на тоа дека тешките тенкови „абрамс“ ќе бидат тешки за испорака, скапи за одржување и голем предизвик за  операциите на украинските војници на бојното поле. 

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Барселона уште не може да го регистрира Гави

Следно

Фајон: Без Уставен суд ќе бидат доведени во прашање и претседателските избори во Црна Гора

Latest from Blog

Дневен хороскоп за среда – 17 септември: Подобрување на финансиската ситуација за три хороскопски знаци

Овен Погледнете ги работите низ очите на другите – нивните ставови моментално имаат поголемо влијание од вашите. Поврзете се со околината и не се двоумете премногу. Љубовта изгледа далеку, но животните предизвици

Правилникот на ДИК за собирање потписи за кандидатските листи за локалните избори пред Уставен суд

На денешната седница на Уставниот суд ќе се дискутира по предметот во кој е оспорен Правилникот за регулирање на постапката за собирање потписи за поддршка на кандидатските листи поднесени од група избирачи

Лазаров синдром: Докторите го прогласиле за мртов, се разбудил по 30 минути и ги шокирал сите

Мажот доживеал два срцева удари и покрај повторените обиди за реанимација, не покажал знаци на живот, па медицинските лица решиле да го прогласат за мртов и да ги повикаат погребалните служби, објавува

ЛШ: Лудило во Торино за 4:4, Реал со два пенали до победа, историска сензација на Карабах (ВИДЕО)

Со два гола од белата точка на Мбапе, Реал Мадрид го доби дербито на вечерта во Лигата на шампионите против екипата на Олимпик Марсеј на „Сантијаго Бернабеу“. „Кралевите“ славеа со 2:1 во

Муцунски ги пречека Престон Лајонс – промотори на македонската култура и традиција

Министерот за надворешни работи Тимчо Муцунски му посака Добредојде на фудбалскиот клуб од Австралија – Престон Лајонс. -Вечерва во Скопје имав чест, веднаш по слетувањето, да го пречекам тимот на Престон Лајонс
Go toTop