Зеленски: „Путин ќе го чекам во Турција во четврток“

КИЕВ (АА) – Украинскиот претседател Владимир Зеленски изјави дека очекува Русија да обезбеди целосен и траен прекин на огнот почнувајќи од утре за да се стави крај на војната и додаде: „Путин ќе го чекам во Турција во четврток“, известува Анадолу.

Во писменото соопштение што го објави на својот профил на платформата Телеграм, Зеленски даде оценка за предлогот на рускиот претседател Владимир Путин за продолжување на преговорите во Истанбул на 15 мај.

Потсетувајќи дека ѝ понудиле на Русија целосен и траен прекин на огнот почнувајќи од утре, Зеленски рече:

„Очекуваме да се воспостави целосен и траен прекин на огнот почнувајќи од утре со цел да се создаде потребната основа за дипломатија“.

Посочувајќи дека Путин ќе го чека во Турција на 15 мај, Зеленски рече: „Путин ќе го чекам во Турција во четврток. Лично. Се надевам дека овој пат Русите нема да бараат изговори“.

– Путин предложи продолжување на преговорите во Истанбул на 15 мај

Рускиот претседател Владимир Путин, во својот говор на прес-конференција во Москва, нагласи дека предложиле повторно да се започнат преговорите што власта во Киев ги прекинаа на крајот од 2022 година и додаде:

„Предлагаме директните преговори, особено без предуслови, да продолжат веднаш, без да се губи време, во четврток, на 15 мај, во Истанбул, каде што преговорите претходно беа прекинати.“

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.