Зеленски му изрази сочувство на Ердоган поради разорниот земјотрес

February 7, 2023
1 min read

АНКАРА (АА) – Претседателот на Украина, Владимир Зеленски, имаше телефонски разговор со претседателот на Туркије, Реџеп Таип Ердоган. Во текот на разговорот Зеленски му изрази сочувство на Ердоган поради разорниот земјотрес на југот од Туркије, пренесува Анадолу.

Во соопштението што го објави Канцеларијата за комуникации на Претседателството на Туркије се вели дека Зеленски му изразил сочувство на Ердоган за загинатите во земјотресот, а на повредените им посакал што поскоро да закрепнат.

Според најновите информации, 3.549 загинаа, а најмалку 22.168 се повредени во земјотресите што вчера ги погодија јужните делови на Туркије.

– Разорни земјотреси што ја потресоа Туркије

Два силни земјотреси, првиот со интензитет од 7,7 степени по Рихтер вчера наутро во 4:17 часот по локално време со епицентар во округот Пазарџик и вториот во 13:24 часот, со интензитет од 7,6 степени по Рихтер со епицентар во местото Елбистан, ги потресоа јужните делови на Туркије. Епицентрите на земјотресите се регистрирани во турската област Кахраманмараш.

И турските области Газиантеп, Шанлиурфа, Дијарбакир, Адана, Адијаман, Малатја, Османие, Хатај и Килис се тешко погодени од земјотресите. Во текот на денот имаше и голем број последователни потреси со помал интензитет.

Земјотресите се почувствуваа и во соседна Сирија, но и во Ирак, Либан, Египет и други региони.

Туркије прогласи седумдневна жалост поради разорните земјотреси што ја потресоа земјата.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO MACEDONIA

EVN MACEDONIA

MARKETING

Претходно

Татко и ќерка спасени од урнатините 32 часа по земјотресите во Туркије

Следно

Парична помош за родителите на деца со попреченост во Петровец

Latest from Blog

Тудор после Интер: Беше лудо, не знам дали ја заслуживме победата!

Во италијанското дерби полно со пресврти, Јувентус го победи Интер со 4:3 пред своите навивачи. Победничкиот гол беше постигнат во судиското продолжение. Тренерот на Стара дама, Игор Тудор, призна по натпреварот дека

Трипуновски: Секој кој има штета ќе биде обештетен

Министер за земјоделство, шумарство и водостопанство Цветан Трипуновски присуствуваше на прес-конференција на Управувачкиот комитет за справување со кризи кој во проширен состав заседаваше во МВР. Во регионот каде што е пожарот во

Џон Малкович за аферата со убавата Мишел Фајфер: Кога ќе ја преминете границата, нема враќање

 Двајцата биле во брак во тоа време, а нивната романса од снимањето се прелеала и во реалниот живот. Во историската романса од 1988 година, режирана од Стивен Фрирс, Малкович и Фајфер ги
Go toTop