Украинскиот претседател Володимир Зеленски денес изјави дека е подготвен да се сретне со рускиот претседател Владимир Путин во кој било формат, но дека за тоа е потребно „зборовите и делата“ на рускиот лидер да се совпаѓаат.
„Се чини малку чудно што Путин му кажува на американскиот претседател Доналд Трамп дека сака војната да заврши, а во исто време во медиумите вели дека е подготвен да ја продолжи војната. Тој испукува ракети кон нас, отворено зборува за тоа, се радува на уништувањето на цивилната инфраструктура и им наредува на генералите каде да одат и што да запленат“, рече Зеленски, пренесува „Униан“.
Според него, ваквите постапки на Путин не одговараат на наводно смирениот јазик што го користи во дијалогот со Трамп.
Извор: tv21
