ЈКП „Водовод“ ја заврши реконструкцијата на водоводната линија Битола – с. Поешево – с. Логоварди, во должина од 6 километри. Со проектот, досегашните азбестно-цементни цевки се заменети со полиетиленски HDPE цевки, а се поставени и нови приклучоци за домаќинствата, обезбедувајќи комплетно нова водоводна мрежа која ќе го реши долгогодишниот проблем со водоснабдувањето и ќе го подобри квалитетот и сигурноста на водата за граѓаните.
Проектот е финансиран преку Министерството за транспорт и врски и Владата на Република Северна Македонија, во рамки на првиот повик, при што општината аплицирала со 16 проекти.
Вкупната инвестиција изнесува 29.349.605 денари.
