ГАЗА (АА) – Израелски воени авиони бомбардираа различни точки во Појасот Газа, јавува Анадолу.
„Воени авиони бомбардираат позиции на Хамас во Појасот Газа“, соопшти израелската војска.
Како што јави новинарот на Анадолу од Газа, израелските воени авиони повторно започнале со воздушни напади на различни точки во Газа.
Покрај тоа, продолжија и судирите меѓу израелските сили и палестинските групи во северниот и централниот дел на Газа.
Министерството за внатрешни работи во Газа наведе дека израелски воени возила отвориле оган во северниот дел на Газа.
Утрово заврши „хуманитарната пауза“, која во рамките на договорот помеѓу Израел и Хамас стапи на сила во петокот на 24 ноември.
