Затворски полицаец за 250 евра му овозможил на Јованов мобилен телефон

February 2, 2025
1 min read

Директорот на Управата за извршување санкции Александар Пандов денеска изјави дека мобилниот телефон Васил Јованов го набавил од друг притвореник од соседна ќелија, благодарение на затворски полицаец, кој го овозможил тоа.

-Сознанието е дека убиецот на Фросина телефонот го обезбедува од друго притворено лице од соседна ќелија, благодарение на затворски полицаец кој што од едната ќелија носи кутија со колачи во собава каде што се наоѓа Васил Јованов. За тоа е направено плаќање од 250 евра надвор на братов на лицето кое што му го обезбедило телефонот. Тие телефони се одземени, изјави Пандов за Канал 5.

Директорот на Управата додаде дека против лицето е поднесена преставка и истото ќе биде суспендирано.

-Во моментов е еден, меѓутоа не е еден, јас сум сигурен дека повеќе се вклучени во овој синџир, нагласи тој.

Јованов, кој ја прегази 22 годишната Фросина Кулакова го добил телефонот од друг притвореник во затворот Шутка, откако негов роднина дал пари на братот на притвореникот, кој му го обезбедил телефонот.

На осомничениот за смртта на Фросина, 20-годишниот Јованов му е одреден притвор од 30 дена, а според Основното јавно обвинителство (ОЈО) Скопје, тој на 29 јануари, поминувајќи на црвено светло, без возачка дозвола и под дејство на алкохол, ја прегазил Кулакова која на обележан пешачки премин ја преминувала коловозната лента на бул. „Партизански Одреди“. Јованов доби притвор поради опасност од бегство, повторување на делото и влијание во постапката. Според обвинителството, тој бил под дејство на алкохол и без возачка дозвола кога ја прегазил Фросина на пешачкиот премин на „Партизанска“.

Пандов и вчера потврди дека кај 20-годишниот возач е пронајден мобилен телефон и најави дисциплинска постапка откако ќе биде утврдено кој го обезбедил телефонот, иако, како што рече, се сомнева дека се повеќе вработени лица.

Од семејството на починатата Фросина вчера побараа од Министерството за внатрешни работи да го најде одговорниот кој му дал телефон на Јованов, откако фотографија од него со мобилен телефон додека е во притвор почна да се споделува на социјалните медиуми.

ИЗВОР: racin.mk

VERO JUMBO MACEDONIA

EVN MACEDONIA

MARKETING

Претходно

„Вратете ѝ ги боите на Фросина“ порачаа илјадници граѓани на масовниот протест за правда и безбедност во Скопје

Следно

Во две спасувачки акции на Шара, спасени 6 лица

Latest from Blog

Шмајхел: Од сите голмани, Манчестер Ј. купи голман за кого првпат слушнав

фото: SimplyUtd (X) Легендата на Манчестер Јунајтед, Питер Шмајхел, изјави дека неговиот поранешен клуб го донесе погрешниот голман како замена за Онана. Според Шмајхел, тој самиот никогаш не слушнал за Сене Ламенс,

Младите како носители на новиот бран промени во Скопје, велат Ѓорѓиевски и Митески

Градоначалникот на Кисела Вода и кандидат за градоначалник на Скопје, Орце Ѓорѓиевски, заедно со кандидатот за градоначалник на Аеродром, Дејан Митески, синоќа се сретнаа со младите од Аеродром, во атмосфера исполнета со

Меџити: Спортот е двигател на здрави генерации во Чаир

Вицепремиерот и кандидат за градоначалник на Чаир, Изет Меџити, денес го посети женскиот ракометен клуб WHC Чаир, еден од најуспешните спортски колективи во земјата и редовен учесник на меѓународни натпреварувања. Клубот, кој
Go toTop