Нуклеарната централа Запорожје е под окупација на руските сили од почетокот на инвазијата
Марија Захарова, портпаролка на руското Министерство за надворешни работи, денеска за режимската руска радио станица Спутник изјави дека „Украина планира да изврши терористички напад врз нуклеарната централа Запорожје, со потенцијални последици кои би можеле да го погодат целиот свет“.
Нуклеарната централа Запорожје е под окупација на руските сили од почетокот на инвазијата.
„Зеленски планира да изврши терористички напад врз нуклеарната централа Запорожје“,
рече Захарова, додавајќи дека „САД и Велика Британија не го гледаат тоа како опасност“.
Но, ниту еден агол на планетата нема да остане недопрен од тој напад бидејќи има работи како атмосферата, светските океани и земјоделството, нагласи Захарова.
„Ако нешто се случи, тоа ќе влијае на сè – воздухот, водата и храната. Зеленски сака да го искористи тој фактор за своите екстремистички терористички цели“,
рече Захарова без да наведе докази за нејзините тврдења.
Претходно Зеленски обвини дека Русите поставиле сомнителни предмети на покривот на нуклеарната централа Запорожје.
Извор: 360stepeni.mk
