Трагична сообраќајна несреќа се случи утринава околу 05:15 часот на автопатот кај Хоргош, во близина на границата меѓу Србија и Унгарија, каде што животот го загуби државјанин на Македонија, а друг македонски државјанин е тешко повреден.
Несреќата се случила кога возилото „КИА“ со македонски регистарски таблички, кое се движело на автопатот во правец кон Хоргош, излетало од патот во близина на населеното место Вишњевац, помеѓу патниот јазол кај Жедник и наплатната рампа кај Суботица, по што се превртело.
Според српските медиуми, животот го загубил патникот Н. А. (39), додека возачот А. А. (60) добил тешки повреди и е пренесен во болницата во Суботица. Од тамошната полиција информираат дека против возачот ќе биде поднесена кривична пријава за тешко дело против безбедноста на сообраќајот.
ИЗВОР: ТВ 21
