Заедничка заложба за нови спортски успеси во пресрет на претквалификациите за Светското првенство Катар 2027. Комерцијална банка стана генерален спонзор на Македонската кошаркарска федерација и обезбеди значајна поддршка за нови успеси на сениорската машка кошаркарска репрезентација.
Претседателот на Македонската кошаркарска федерација, Томе Главчев изрази благодарност за поддршката:
– На мое големо задоволство, како и на целата кошаркарска федерација, се потпиша договор за Генерално спонзорство помеѓу Македонската кошаркарска федерација и Комерцијална банка.
Ние како Федерација ќе направиме сè што е во наша моќ да ја оправдаме довербата и секако, во иднина да имаме основа за продолжување доколку има интерес.
– Поддршката на спортот е поддршка на вредности кои се темел на секое здраво општество – дисциплина, тимска работа, истрајност и почит. Горди сме што стануваме дел од кошаркарската приказна и веруваме дека заедно ќе инспирираме нови генерации да сонуваат и да победуваат, изјави Хари Костов во име на Комерцијална банка.
Ова партнерство претставува повеќе од поддршка – тоа е заедничка заложба за нови спортски успеси во пресрет на претквалификациите за Светското првенство Катар 2027, за поттик на младите генерации, за нови спортски јунаци кои ги градат своите соништа под обрачите.
Извор: kurir.mk
