Министерот за надворешни работи и надворешна трговија, Тимчо Муцунски денеска телефонски разговараше со Анита Орбан, главен советник за надворешна политика на новата владејачка партија на Унгарија – Tиса, информираа од МНР.
Муцунски упати искрени честитки по повод резултатите на парламентарните избори.
Соговорниците ги реафирмираа одличните билатерални односи и високото ниво на политичка соработка, изразувајќи подготвеност за нивно понатамошно продлабочување, со посебен акцент на политичката, економската и трговската соработка.
Воедно, разменија мислења за евроинтегративниот пат на нашата држава, при што беше потврдена јасната и силна поддршка од Унгарија. Стана збор и за актуелните геополитички состојби во Европа и пошироко.
Викендов во Унгарија, партијата на Виктор Орбан, Фидес доживеа пораз од Тиса.
Извор: zurnal.mk
