За овие пари забрзувањето и моќноста на моторите на Мерцедесите ќе биде зголемена за 20 до 24 проценти. Кај EQE, за кој претплатата е 60 долари, моќноста на моторот се зголемува од околу 290 коњски сили на речиси 350 коњи, со што развивањето од 0 до 100 паѓа од 6 на 5,1 секунди. Кај поскапата претплата, за EQS, можноста расте од 355 на 442 коњски сили, додека забрзувањето од 0 до 100 паѓа од 5,3 на 4,5 секунди.
Наместо секој месец да се пребројувате, Мерцедес дава можност и за еднократно плаќање за трајно забрзување, кое ќе чини 1.950 односно 2.950 евра, што отприлика му доаѓа колку 3-годишна претплата на услугата.
Ова со претплатите и обидот на производителите да продолжи „да капе“ по некоја пара и откако ќе ја продадат колата, почнува да станува се поприсутно, па Тесла меѓу првите понуди за 3.250 долари можност да се отклучи целиот капацитет на батериите на постари Модел С автомобили, а пред некое време БМВ понуди претплата за греење на седиштата на некои од новите модели.
ИЗВОР: off.net.mk
