Заканата за членство на Украина во НАТО е токму една од причините за воената интервенција на Русија во таа земја во февруари 2022 година, вели Путин
Рускиот претседател Владимир Путин вели дека испораките на западно оружје за Украина нема да сменат ништо на бојното поле, освен дополнително ескалирање на конфликтот.
Тој истакна дека тенковите од странско производство се „главна цел“ на руската армија.
Во изјава за државната телевизија, по самитот на НАТО во Вилнус, каде на Украина и беше ветено идно членство, Путин го повтори својот став дека членството во Алијансата ќе ја загрози сопствената безбедност на Русија и ќе ги ескалира тензиите на глобално ниво.
Тој додаде дека заканата за членство на Украина во НАТО е токму една од причините за воената интервенција на Русија во таа земја во февруари 2022 година.
„Снабдувањето со ново оружје само ќе ја влоши ситуацијата и дополнително ќе го поттикне конфликтот“,
рече Путин.
Според него, членството во Северноатлантската алијанса нема да ја зајакне безбедноста на Украина и ќе го направи светот многу поранлив.
Запрашан за одлуката на Франција да и достави на Украина ракети со долг дострел кои можат да поминат 250 километри, Путин рече дека „тие предизвикуваат штета“.
„Со нивната употреба, ништо пресудно не се случува во воената зона“,
рече тој.
Денеска, пак, американскиот претседател Џо Бајден рече дека војната во Укарина не би требло да трае со години и додаде дека рускиот претседател Владимир Путин веќе ја изгубил војната.
Тој додаде дека Русија не може да ги одржува своите ресурси толку долго, а Путин веројатно на крајот ќе одлучи дека тоа не е во интерес на земјата ниту економски, политички или во некоја друга смисла.
Извор: 360stepeni.mk
