Вучиќ: Налогот за апсење на Путин ќе има лоши последици

March 20, 2023
1 min read

Прашан за можното апсење на Путин доколку дојде во Србија, Вучиќ рече дека земјата ги има овие обврски бидејќи го прифатила Римскиот статут на Меѓународниот кривичен суд, но додаде дека додека војната со Украина е во тек, рускиот претседател нема од каде да дојде во Србија

Претседателот на Србија, Александар Вучиќ, смета дека одлуката на Меѓународниот кривичен суд да издаде налог за апсење на рускиот претседател Владимир Путин не е „доволно мудра или паметно пресметана“.

EPA-EFE/ANDREJ CUKIC

Во своето обраќање до јавноста по повод преговорите со Приштина во Охрид, Вучиќ изјави дека оваа одлука ќе има лоши политички последици и лоши последици по човечки животи, што, како што додаде, покажува дека постои голема неподготвеност да се зборува за мир и за примирје.

„Со кого ќе разговарате сега кога го обвинивте за најголемите воени злосторства? Или можеби нема да разговарате, можеби не сакате мир, го чекате поразот на Русија? Дали навистина мислите дека е можно Русија да биде победена за три месеци, шест месеци или една година?“,

истакна Вучиќ.

Одлуката на Судот во Хаг, според Вучиќ, е донесена за да му се отежне комуникацијата на рускиот претседател, така што секој што би разговарал со него, „би знаел оти Путин е обвинет за најтешки воени злосторства“. Додава дека ова е политичка одлука и дека нејзината цел, меѓу другото, е да ја отежне економската положба на Русија.

Прашан за можното апсење на Путин доколку дојде во Србија, Вучиќ рече дека земјата ги има овие обврски бидејќи го прифатила Римскиот статут на Меѓународниот кривичен суд, но додаде дека додека војната со Украина е во тек, рускиот претседател нема од каде да дојде во Србија.

„Додека војната продолжува, Путин нема од каде да стигне до Србија“,

рече Вучиќ.

Меѓународниот кривичен суд во Хаг на 17 март објави дека издал налог за апсење на рускиот претседател Владимир Путин. Судот наведе дека Путин е осомничен за воено злосторство илегална депортација на население (деца) и нелегално преселување на население (деца) од окупираните територии на Украина во Русија.

Судот додаде дека е издадена потерница и за Марија Лвова-Белова, руска службеничка за правата на децата, која наводно била вмешана во депортацијата на деца од Украина во Русија.

Налогот за апсење, според судот во Хаг, може да придонесе за спречување на натамошни кривични дела.

По веста од Хаг, официјална Москва изјави дека одлуките од Хаг немаат влијание врз Русија и дека секој нивни налог за апсење е ништовен зашто земјата не е членка на Римскиот статут на Меѓународниот кривичен суд и нема никаква обврска кон него.

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Инзаги: Рабио играше со рака и акцијата е нерегуларна, Интер заслужува респект

Следно

САД го поздравија договорот во Охрид што го постигнаа Косово и Србија со посредство на ЕУ

Latest from Blog

Мицкоски до Филипче: Во Струмица ли најде да зборуваш за морал, додека во прв ред беше Заев кој ја распродаде Македонија

Претседателот на ВМРО-ДПМНЕ, Христијан Мицкоски, се обрати од вечерашниот митинг одржан во општина Велес, во рамки на изборната кампања под слоганот „Вистинскиот избор! Твојот човек! Твоето место! За твојата иднина!“, за претстојните

Заработува 70.000 фунти неделно, а страв му е да си купи автомобил или патики!

фото: Liverpool FC (X) Ибрахим Конате, Францускиот стопер на шесткратниот европски шампион, кој моментално заработува 70.000 фунти неделно, откри дека бил „преплашен од трошење на сопствени пари“ кога пристигнал во елитниот фудбал.

Тоневски: Земјоделството е двигател на нашиот локален развој

Кандидатот за градоначалник на општина Пробиштип, Тони Тоневски, оствари средба со министерот за земјоделство, шумарство и водостопанство Цветан Трипуновски, како и со група земјоделци од општината. На состанокот се разговараше за актуелните

Египет го одликува Трамп со Орден на Нил, највисокото државно одликување

Египетскиот претседател Абдел Фатах ал-Сиси му го додели на американскиот претседател Доналд Трамп Орденот на Нил, највисокото државно одликување на Египет, објави BBC Arabic. Орденот е доделен како признание за придонесот на
Go toTop