АТИНА (АА) – Избирачките места во Грција се отворија денес во 7 часот по локално време за вториот круг парламентарни избори, а гласачите ќе изберат кој ќе ја води земјата во следните четири години, јавува Анадолу.
Поранешниот премиер Киријакос Мицотакис, најверојатниот победник според последните анкети и според резултатите од претходните избори, не го доби целосното мнозинство потребно за формирање Влада на изборите во мај.
Последните анкети покажуваат дека партијата Нова демократија води со 21,5 процентни поени пред нејзиниот главен опозициски ривал, левичарската СИРИЗА.
Овој пат, со новиот изборен систем, победничката партија ќе добие бонус од 20 пратенички места ако добие најмалку 25 отсто од гласовите, а може да добие и до 50 места ако добие околу 40 отсто од гласовите.
Вкупно 9.813.595 грчки државјани се регистрирани за гласање во 21.634 гласачки места низ Грција, соопшти Министерството за внатрешни работи.
Вчера над 25.600 Грци кои живеат во странство гласаа во вториот круг избори.
Извор: www.aa.com.tr
