Вработените во Гугл протестираат против договорот на компанијата со Израел

April 17, 2024
1 min read

ИСТАНБУЛ (АА) – Вработените во компанијата „Гугл“ денес во две канцеларии во зградите на технолошкиот гигант во Калифорнија и Њујорк одржаа протести, поради поврзаност на компанијата со Израел, јавува Анадолу.

Протестите беа предводени од група наречена „Нема технологија за апартхејд“, која бара Гугл и Амазон „да се откажат од договорот со Нимбус со израелската Влада и војската“.

Во Санивејл, Калифорнија, демонстрантите ветија дека ќе останат додека Гугл не го заврши договорот вреден 1,2 милијарди долари со Амазон, кој ќе обезбеди облак услуги и центри за податоци на Израел за проектот Нимбус.

Протестот беше пренесуван во живо на каналот Tвич на групата.

Околу 10 часа по протестите, полицијата приведе групи вработени и во Њујорк и во Калифорнија, објави групата на социјалната мрежа Х.

Протестите, исто така, се совпаѓаат со континуираната офанзива на Израел врз Појасот Газа, која од минатиот 7 октомври однесе речиси 34.000 животи.

– Проект Нимбус –

Нимбус вклучува облак и систем за машинско учење што овозможува складирање, собирање, анализа, идентификација на мотиви и карактеристики од податоците и предвидување на потенцијални податоци и мотиви.

Договорот од 1,2 милијарди долари за проектот беше потпишан во април 2021 година помеѓу Израел, Гугл и Амазон.

Израел во април 2021 година објави дека Гугл и Амазон победиле на огромниот државен тендер, дозволувајќи му на Израел да ги основа своите локални центри за сервери за складирање облак.

Системот може да ги собере сите извори на податоци обезбедени од Израел и неговата војска, вклучувајќи бази на податоци, ресурси, па дури и извори за набљудување во живо, како што се камерите на улиците и дронови.

Критичарите тврдат дека проектот може да му помогне на Израел да продолжи со својот систем на угнетување, доминација и сегрегација на палестинскиот народ сличен на апартхејдот.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

MARKETING

Претходно

Здруженија на жртвите бараат истрага против Додик и Вучиќ за негирање на геноцидот во Сребреница

Следно

Пекинг: Има уште многу работа пред мировниот самит за Украина

Latest from Blog

Детали од рочиштето: Три дена пред убиството на Вања обвинетите возеле околу нејзината зграда – изведени видео записи

Со изведување на видео записи од безбедносни камери денеска во Основниот кривичен суд Скопје продолжи судењето за убиството на малолетната Вања Ѓорчевска и велешанецот Панче Жежовски, каде првообвинет е Љупчо Палевски –

Децата учат да скијаат на Попова Шапка: Спорт што ги гради самодовербата и дисциплината кај децата

На Попова Шапка децата ги добиваат првите инструкции за скијање, спорт кој вклучува забава и физичка активност. Специјализирани инструктори нудат курсеви за тие кои сакаат да научат да скијаат. Инструкторот, Војче Станковски

Туркије, по 12 години, повторно го отвори својот Генерален конзулат во сириски Алепо

ИСТАНБУЛ (АА) – Туркије денес повторно го отвори својот Генерален конзулат во Алепо, Сирија, кој ја прекина работата во 2012 година поради граѓанската војна во Сирија, јавува Анадолу. На отворањето на Генералниот
Go toTop