Воен хеликоптер падна на автопат во САД, загинаа две лица

ВАШИНГТОН (АА) – Воен хеликоптер од типот „Блек хок“ се урна вчера на автопат во американската сојузна држава Алабама. Во несреќата животот го загубија двајца припадници на Националната гарда на Тенеси, пренесува Анадолу.

Националната гарда на Тенеси соопшти дека хеликоптер од типот УХ-60 „Блек хок“ за време на тренажен лет се урнал околу 15:00 часот по локално време во близина на Автопатот 53 во Хантсвил.

„Длабоко сме тажни поради загубата на двајцата припадници на Националната гарда на Тенеси. Нашите молитви се со нивните семејства во текот на оваа голема трагедија“, изјави бригадирот Варнер Рос.

Започната е истрага за да се утврдат околностите на несреќата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..