Во железничка несреќа во Египет загина едно, повредени се 16 лица

КАИРО (АА) – Најмалку едно лице загина, а 16 се повредени во железничката несреќа што се случи во Каиро, Египет, јавува Анадолу.

Несреќата се случила кога патничкиот воз излетал од шините и удрил во перонот на станицата.

Египетското Министерство за здравство соопшти дека на местото на несреќата биле упатени 20 возила за итна помош, а според прелиминарните податоци, загинало едно, а повредени се 16 лица.

Наведено е дека повеќето од повредените не се животно загрозени.

Главниот египетски обвинител Хамада ал-Сави изјави дека е формиран истражен тим за истрага на железничката несреќа.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..