Во затвор почина рускиот опозиционер Алексеј Навални

МОСКВА (АА) – Руската казнено-поправна служба денес соопшти дека опозицискиот политичар Алексеј Навални починал во затворската колонија во која ја отслужувал казната, известува Анадолу.

Службата наведе дека Навални ја загубил свеста по прошетката низ арктичкиот Јамало-Ненецки Автономен Округ, каде се наоѓа колонијата.

Во соопштението се вели дека одделението веднаш повикало Итна помош и ги презело сите потребни мерки за реанимација, но безуспешно.

„Лекарите на Итната медицинска помош констатирале смрт на осудениот“, соопшти затворската служба.

​​​​​​​Дмитриј Песков, портпаролот на Кремљ, изјави дека лекарите треба да ја утврдат причината за смртта на Навални.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.