Како ретко кога огромен број на јавни аспиранти во ВМРО ДПМНЕ за функцијата градоначалник на Скопје. Во игра се Златко Перински, актуелен министер за локална самоуправа, Орце Ѓорѓиевски, актуелен градоначалник на Кисела Вода, но има и скриени адути кои добро котираат кај партиското членство. Според информациите тоа е актуелниот директор на Јавното претпријатие за државни патишта Коце Трајановски, кој во два мандата раководеше со главниот град. И Перински и Ѓорѓиевски се надеваат на поддршка на лидерот Мицкоски.
„Видете, јас за ова неколку пати го говорев. Да почекаме да заврши целокупниот процес и она име кое што председателот Мицкоски ќе го предложи на извршните органи на партијата, јас сум убеден дека истото ќе стане и градоначалник на Град Скопје.“, рече Перински.
„Мојата амбиција е јасно изразена повеќе месеци наназад, да не речем две години од денес наназад. Јас сметам дека со сето она што сум го сработил во мојата обштина и можността што сум имал и шансата дадена од Бог и од граѓаните, сум ја искористил правилно да го покажам мојот потенцијал и потенцијалот на тимот кој што работи заедно со мене“, вели Ѓорѓиевски.
А, лидерот на ВМРО ДПМНЕ Христијан Мицкоски вели дека месечно неколку пати прават анкети и неговата партија и коалицијата убедливо водат пред другите партии, дури и четири спрема еден, но и дека се испитува кој кандидат како стои и кај партиското членство.
„Што се однесува до имињата, ќе видиме. Трае внатрепартиската процедура, ние исто така го прашуваме мислението и на членството, имаме база на податоци, бидејќи важно е мислението и на членството за потенциалните кандидати, мислението на граѓаните се разбира, и на крај правиме една симбиоза од сето тоа и излагаме пред органите на партијата со име.“, изјави Мицкоски.
Вакви отворени аспирации за одредени политички позиции ретко се присутни во јавноста, преде се кај големите партии, каде што статутарно лидерите имаат реални ингеренции во носењето на политичките одлуки.
ИЗВОР: ТВ 21
