Американскиот претседател Доналд Трамп соопшти дека во тек е неговиот телефонски разговор со рускиот претседател Владимир Путин.
„Во моментов разговарам со претседателот Путин. Разговорот е долг и содржаен, а за деталите ќе информирам по неговото завршување, исто како и претседателот Путин“, објави Трамп на својата платформа Truth Social.
Претходно, телевизијата CBS објави, повикувајќи се на извор од Белата куќа, дека започнал телефонскиот разговор меѓу двајцата лидери, кој се очекува да биде посветен на прашања поврзани со конфликтот во Украина и односите меѓу САД и Русија.
Извор: tv21
