Во Судан и понатаму се пука, САД и африканските земји сакаат да го продолжат примирјето

April 27, 2023
1 min read

Стотици луѓе се убиени во речиси двонеделните судири меѓу армијата и ривалските паравоени сили за брза поддршка (РСФ), кои се вмешани во борба за власт која се заканува да го дестабилизира поширокиот регион

САД и африканските земји се тркаа за да обезбедат продолжување на примирјето во Судан денеска, при што суданската војска даде првично одобрение на африканскиот предлог со кој се повикува на разговори додека продолжуваат борбите.

РСФ во соопштение ја обвини војската дека ги напаѓа нивните сили и шири лаги, но не се осврна на предлогот, за кој војската рече дека доаѓа од Меѓувладината управа за развој (ИГАД) – африкански регионален блок. Во областа Картум и денеска се слушаат пукотници, изјавил жител за Ројтерс.

Стотици луѓе се убиени во речиси двонеделните судири меѓу армијата и ривалските паравоени сили за брза поддршка (РСФ), кои се вмешани во борба за власт која се заканува да го дестабилизира поширокиот регион.

Постоечкото тридневно примирје донесе затишје во борбите, но не го прекина целосно. Примирјето требаше да истече на полноќ и многу странски државјани останаа заробени во земјата и покрај егзодусот во изминатите неколку дена.

Војската доцна синоќа соопшти дека нејзиниот лидер, генерал Абдел Фатах ал Бурхан, дал првично одобрение за планот за продолжување на прекинот на огнот за уште 72 часа и за испраќање воен пратеник во главниот град на Јужен Судан на разговори.

Војската соопшти дека претседателите на Јужен Судан, Кенија и Џибути работат на предлог кој би вклучувал продолжување на прекинот на огнот и разговори меѓу двете сили.

„Бурхан се заблагодари на ИГАД и го даде првичното одобрение за тоа“,

се вели во соопштението на армијата.

Американскиот државен секретар Ентони Блинкен и претседателот на Комисијата на Африканската Унија, Муса Факи Махамат, разговараа за заедничката работа за постигнување одржлив крај на конфликтот, соопшти во средата Стејт департментот.

Најмалку 512 луѓе се убиени, а околу 4 200 се ранети од почетокот на борбите на 15 април.

Кризата испрати сè поголем број бегалци преку границите на Судан. Агенцијата на ОН за бегалци (УНХЦР) проценува дека околу 270 000 луѓе би можеле да побегнат само во Јужен Судан и Чад.

Конфликтот ги уништи болниците и ја ограничи дистрибуцијата на храна во огромната нација каде што една третина од нејзините 46 милиони луѓе веќе се потпираат на хуманитарна помош.

Се проценува дека третманот на околу 50 000 неухранети деца е прекинат поради конфликтот, а болниците кои сè уште работат се соочуваат со недостиг од медицински материјали, струја и вода, се вели во најновиот извештај на ОН.

Фото: EPA-EFE/BUNDESWEHR HANDOUT 

Извор: 360stepeni.mk

MARKETING

MARKETING

Претходно

Кривична пријава за арачиновец кој сакал да земе кредит со личната карта на брат му

Следно

ФИЛХАРМОНИЈАТА СО КОНЦЕРТ ПРОТЕСТИРАШЕ ПРОТИВ ЏЕЗ ОРКЕСТАРОТ, МИНИСТЕРКАТА ЗА КУЛТУРА ВЕЛИ ДЕКА РАБОТИ НА РЕШЕНИЕ

Latest from Blog

Раст на цените, закани од Владата: Колку се ефективни мерките?

Министерот за економија и труд, Бесар Дурмиши, ги предупреди трговците дека ако продолжат со непочитување на владините мерки за контрола на цените, ќе бидат применети поригорозни мерки. Во случај на значителни поскапувања

Казни до 5.000 евра за продажба и купување е-цигари со арома во Словенија

Во Словенија стапи во сила забраната за сите ароми, освен тутунските, кај електронските цигари и нивните дополнувања. Здравствениот инспекторат и Управата за јавни приходи ќе вршат засилени контроли, а казни им се

Охриѓанец со „пасат“ удрил во столб за видеонадзор на ГП Табановце

Охриѓанец со автомобил „пасат“ удрил во метален столб со камери за видеонадзор на граничниот премин Табановце, соопшти денеска кумановската полиција. – Вчера околу 18:30 часот во СВР Куманово било пријавено дека на

Ниту Анчелоти, ниту Алонсо, Реал со привремен тренер ќе игра на Светското клупско првенство!

Реал Мадрид ќе прави тренерска смена во текот на летото, но главниот стратег нема да пристигне пред Светското клупско првенство, а на кормилото нема да биде ниту Карло Анчелоти. Анчелоти и Реал

Израел не сака да присуствува на расправата на МСП за неговите хуманитарни обврски кон Палестинците

АНКАРА (АА) – Израел денес го обвини Меѓународниот суд на правдата (МСП) за „антисемитизам“, велејќи дека нема да присуствува на расправата за неговите обврски да ја обезбеди итно потребната хуманитарна помош за
Go toTop