14-месечно бебе еколку пати било била одбивана хоспитализација на Клиниката за детски болести, по што родителите се упатиле кон „Козле“. Таму состојбата се влошила и било вратено на Клиниката за детски болести и итно хоспитализирано. По неколку часа на интензивна нега, подлегнало на последиците од бронхопневмонија и починало.
„Се обидував цело време, во секој дел одделение на болницата, но не ја примаа мојата ќерка. Со причина дека таа е добра. Денеска ја испраќам кај Господ, таму каде што е единствената праведност. Ова е држава која никогаш не била и никогаш нема да биде.“, коментирал на социјалните мрежи таткото на девојчето.
Бебето било примено со тахикардија и ниска сатурација, вели директорот на детска клиника Реџеп Мемеди. Докторите го реанимирале, но безуспешно. Телото на бебето е дадено на обдукција.
„Во текот на интубација направило кардија карест, потоа реанимирано по проткол, но без одговор на реанимационата постапка, егзитирало во 04:20 минути. За сите дилеми и околу потенцијално пропусти, релевантните институции ќе преземат соодветни мерки и тие ќе излезат со заклучоци“, рече Реџеп Мемеди, директор на Детска Клиника.
Државниот санитарен и здравствен инспекторат најави дека ќе изврши вонреден инспекциски надзор.
„Обезбедената медицинска документација и изјавите на здравствените работници ќе бидат проследени до министерот за здравство и ќе се иницира формирање комисија за стручен надзор“, изјави Кирил Лазаров, директор на ДСЗИ.
На детската клиника сè уште хоспитализирано е и новороденчето од Куманово кое се бори живот, откако почина неговата мајка за време на пораѓање.
ИЗВОР: ТВ 21
