Еден од најбараните нарко-босови во Еквадор, кој ја лажирал сопствената смрт и избегал во Шпанија, е уапсен во Малага, потврди претседателот на Еквадор.
Вилмер Чаварија, познат како „Пипо“ и водач на озлогласената банда Лос Лобос, беше уапсен вчера во заедничка операција на еквадорската и шпанската полиција, објави Скај њуз .
Според претседателот Даниел Нобоа, во 2021 година, Чаварија ја искористил пандемијата на коронавирусот за да ја лажира сопствената смрт. После тоа, тој стекнал нов идентитет и се преселил во Шпанија. Тој продолжил да ја води својата криминална империја од Европа, координирал испораки на дрога, нарачувал убиства и управувал со рекетирањето на рудниците за злато во Еквадор, додаде претседателот.
Претседателот на Нобоа, исто така, се огласи на социјалните мрежи, велејќи дека Чаварија „се криел во Европа додека нарачувал убиства во Еквадор“.
„Некои го прогласиле за мртов; ние го баравме во неговиот пекол“, напиша тој.
Извор: tv21
