„Ако го допрат Законот за јазици нема да има локални избори, нема да може да се постават гласачки кутии. Законот не е на ДУИ. Законот е и на оние кои ќе се родат додека изгрее сонцето. Затоа секој Албанец мора да стане господар на правото не јазикот, ниту да го политизира ниту да го проблематизира“, изјави Ахмети.
Ахмети од Липково ја повика коалицијата Вреди да ја напушти Владата и заедно со локалните да се одржат и предвремени парламентарни избори.
Потпретседателот и поранешен министер за надворешни работи Бујар Османи го доплни Ахмети со изјава во која вели: „ќе се создаде длабока политичка криза, која што ќе оневозможи одржувањето на избори без да седнеме уште еднаш?
Минатата година Уставниот суд расправаше по иницијатива за оценување на уставноста на Законот за јазици, поради што ДУИ постави шатори пред судот. И покрај расправата, во декември 2024 година, Уставниот суд ја одложи конечната одлука.
Тогаш претседателот на Уставниот суд Дарко Костадоновски најави дека на 20-ти март ќе биде организирана подготвителна седница, додека во меѓувреме се очекува и мислење од Венецијанска Комисија.
Претседателот на Уставниот суд, Дарко Костадиновски, тогаш во декември на прес-конференцијата по завршувањето на седницата истакна дека станува збор за спорно правно прашање и истовремено чувствителна тема, додавајќи дека целта на одлуката е да се соочат аргументите и да им се докаже на граѓаните дека Уставниот суд не подлегнува на какви било притисоци.
ИЗВОР: racin.mk
