ГАЗА (АА) – Најмалку три лица се убиени во напад со дрон што Израел го изведе ова утро во окупираниот Појас Газа, известува Анадолу.
Палестинската новинска агенија ВАФА објави дека израелскиот напад бил насочен кон стан во Кан Јунис.
Во нападот има и повредени, а некои од нив се во тешка здравствена состојба. Станот е уништен, а причинета е и материјална штета на околните имоти.
Израелските авиони изведоа воздушни напади и врз празна куќа и ливада во Кан Јунис. Во нападот нема повредени.
Околу 14 куќи се целосно или делумно уништени во израелските воздушни напади во различни делови на Појасот Газа.
Во нападите што израелската војска ги спроведува од вчера на просторот на окупираниот Појас Газа убиени се 21 лице, а 64 се ранети.
Меѓу загинатите се тројца припадници на воениот персонал на Движењето исламски џихад.
Според палестинските податоци, најмалку 130 Палестинци се убиени од израелски истрели од почетокот на годината досега.
Деветнаесет Израелци се убиени во одвоени напади во истиот период.
Извор: www.aa.com.tr
