Во кумановска Речица тепачка со полицијата, жителите против закопување мртви свињи

Инцидент во селото Речица кај Куманово. Жителите се судрија со полицијата откако претходно не дозволија да поминат камиони на Агенцијата за храна и ветеринарство во кои имаше свињи умрени од болеста африканска чума. Имено, тие требало да бидат закопани во атарот на селото, на што граѓаните се спротивставиле. Неколку лица биле приведени. Револтот се јавил поради страв дека големиот број закопани животни може да ја загадат околината. Но, од Агенцијата тврдат дека процесот е безбеден, локацијата ја одредила општината и оти свинската чума не може да се пренесе кај луѓето. /Alsat.mk