Во израелскиот напад на училиштето во Газа убиени се 15 палестинци, од кои две деца

ГАЗА (АА) – Најмалку 15 Палестинци, меѓу кои и две деца, се убиени во вчерашниот израелски напад врз училиште во Газа во кое биле засолнети раселените Палестинци, известува Анадолу.

Израелската армија го бомбардираше училиштето Делал ал-Магриби во областа Шукаије, источно од градот Газа, објави Цивилната заштита на Газа.

Во нападот, во кој целосно е уништено училиштето, животот го загубија најмалку 15 Палестинци, меѓу кои две деца, а 40 се ранети.

Очевидците изјавија дека екипите на Цивилната заштита продолжуваат со потрагата и спасувањето во урнатините на училиштето.

Најмалку 39.480 Палестинци се убиени, а 91.128 се ранети во израелските напади во Појасот Газа од 7 октомври досега.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.