Во израелски воздушен напад врз Газа погодена станбена зона

Немилосрдните воздушни напади на израелската армија врз блокираниот Појас Газа продолжуваат и денес, јавува Анадолу.

Израелски воени авиони го нападнаа бегалскиот камп Нусејрат во центарот на Газа, предизвикувајќи голема штета на зградите.

По нападот се издигна густ чад од погодената станбената зона.

На 18 март израелската армија започна ненадејна воздушна кампања врз Појасот Газа, при што се убиени речиси 800 луѓе, а повеќе од 1.600 се повредени и покрај договорот за прекин на огнот и за размена на затвореници што беше постигнат во јануари.

Убиени се над 50.100 Палестинци, главно жени и деца, а повеќе од 113.700 се повредени во бруталната израелска воена офанзива врз Газа од октомври 2023 година.

Во ноември минатата година Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата за неговите постапки во енклавата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.