Во израелски напад врз бегалски камп во Газа убиени мајка и нејзиното бебе

ГАЗА (АА) – Израелската војска продолжува со бруталните напади врз Газа, во кои најчесто жртви се деца и жени, јавува Анадолу.

Во последните напади во Газа убиени се мајка и бебе, кои по нападот се префрлени во болницата Ал Акса во Деир ал-Балах.

Мајката и бебето се убиени во напад на бегалскиот камп Бурејџ во централниот дел на Појасот Газа.

Во нападот на кампот убиени се вкупно девет Палестинци, а многумина се повредени.

Најмалку 39.550 Палестинци, меѓу кои поголем дел деца и жени, се убиени во нападите на израелските сили врз Појасот Газа од 7 октомври.

Прекршувајќи ја резолуцијата на Советот за безбедност на Обединетите нации со која се бара итен прекин на огнот, Израел се соочи со меѓународна осуда поради неговата континуирана брутална офанзива врз Газа.

Израел е обвинет за геноцид пред Меѓународниот суд на правдата, чија последна пресуда му наложи веднаш да ја прекине воената операција во јужниот град Рафа, каде што повеќе од милион Палестинци побараа засолниште од војната пред да започне копнената офанзива врз градот на 6 мај.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.