Процената е дека Израел сериозно му има наштетено на Хамас, меѓутоа никогаш нема да може целосно ја елиминира групата. Американски функционери признаваат дека Израел успеал многу повеќе да му наштети на Хамас отколку што тоа се предвидувало кога почнала војната.
Како постигнувања се наведува тоа што Израел сега може слободно да се движи низ Газа, додека на Хамас му е сериозно наштетено. Израел ги уништува и најважните рути за снабдување на Газа од Египет, а околу 14.000 борци на Хамас или се убиени или се уапсени. Елиминирано е и половина од раководството на Касам бригадите, вклучително и нивните највисоки лидери.
Она што Израел нема да може да го постигне со воени средства, според израелски и американски функционери, е враќањето на околу 115 заложници заробени од Хамас во нападот од 7 октомври.
Процените што ги споделува Њујорк доаѓаат од високи американски функционери кои периодов го крстосуваат Блискиот исток во надеж за постигнување прекин на огнот во Газа и можно избегнување на одмазда од Иран за убиството на политичкиот лидер на Хамас.
Од нив, првиот човек на ЦИА е во Катар, координаторот на Бајден за Блискиот исток ќе патува во Египет и Катар, висок советник на Белата куќа слета во Либан, а министерот за одбрана на САД разговараше со колегата од Израел.
Првиот човек на Пентагон и други високи американски функционери, го споделуваат мислењето на израелскиот министер за одбрана, Јоав Галант, дека целта на Нетанјаху за „тотална победа“ врз Хамас не е остварлива и дека потребно е примирје кое ќе ги врати заложниците.
Контра-аргументот на ова е дека ако Израел сега се повлече од Газа, Хамас за една година повторно ќе биде силен, заради што запирањето на војната сега би било катастрофа. Очекувањата се дека уште 2 до 3 месеца борби со висок интензитет во Газа ќе ја завршат работата.
Еден од поголемите неуспеси на Израел е уништувањето на мрежата тунели на Хамас, која се уште активно се користи од организацијата.
Друга слабост според Американците е дека Израел се уште не покажал дека може да ја обезбеди територијата во Газа што ја освоил, посебно откако неговите сили ќе се повлечат.
За Бајден и неговата администрација, единствен начин на кој Израел може да ги врати заложниците е дипломатија. А за Хамас да се согласи да ги ослободи заложниците, тие ќе мора да имаат поттик за тоа, што според нив е издржана мапа кон добивање на независна палестинска држава.
ИЗВОР: off.net.mk
