МОСКВА (АА) – Во Белорусија денес стапи на сила законот со кој се воведува смртна казна за функционерите и воениот персонал во случај на предавство на државата, известува Анадолу.
Белорускиот претседател Александар Лукашенко го потпиша Законот, што Владата го воведе кон крајот на минатата година, на 9 март.
Со Законот се менува дел од белорускиот Кривичен закон за „предавство на државата“, и се предвидува можност за доживотен затвор или смртна казна во случај на предавство сторено од страна на службено лице на јавна функција.
Новиот закон ги покрива ширењето на терористичка пропаганда, клеветењето на вооружените сили и други видови воени формации, како и кршењето на условите за заштита на државните тајни.
Законот содржи и членови за шпионажа, терористички акти против државни и јавни личности, саботажи, повици на санкции, создавање или учество во екстремистички формации, финансирање или овозможување екстремистички активности, учество во вооружени формации или вооружени судири на територии на странски земји.
Извор: www.aa.com.tr
