Хусите во Јемен, поддржани од Иран, објавија дека 7 жени и 2 деца се повредени во американските воздушни напади врз неколку градови, пренесува Анадолу.
Телевизијата Ал-Масира во сопственост на Хусите објави дека САД извршиле воздушни напади врз јеменските градови Сана, Сада, Ал-Џауф и Ал-Бајда.
Во нападот врз местото Севра во Сана повредени се седум жени и две деца. Избувнал пожар во сала што се користи за разни настани, а оштетени се и некои куќи.
– Американски воздушни напади врз Јемен
На 7 март Хусите објавија дека му дале рок од четири дена на Израел да дозволи помошта да влезе во Газа, во спротивно ќе ги обноват поморските операции против Израел.
Американскиот претседател Доналд Трамп на 15 март на својот профил на платформата Truth Social објави дека ѝ наредил на војската да изврши масовен напад против Хусите во Јемен.
Водачот на Хусите, Абдул Малик ал-Хути, изјави дека сѐ додека траат нападите на американските авиони и воени бродови врз Хусите, ќе продолжат со своите напади, а блокадата на морската пловидба ќе го опфати и Вашингтон.
Хусите објавија дека 53 лица се убиени, а 107 се повредени во воздушните напади на САД и Велика Британија врз неколку градови, вклучително го и главниот град Сана.
Извор: Anadolu Agency (AA)
