ВМРО-ДПМНЕ: Владата веќе донесе Акциски план за чист воздух со мерки кои се имплементираат, за значително да се намалат штетните честички потребно е и изградба на гасна централа

January 10, 2025
1 min read

Борбата против загадувањето, посебно на воздухот, е долг процес кој бара стратешки пристап. СДС за време на седум годишното владеење не направи ништо и не преземаше никакви мерки за намалување на загадувањето на воздухот. Да направеа нешто, како што впрочем сега од опозиција тврдат, до сега веќе би ги почувствувале првите резултати и Скопје и другите македонски градови, со сигурност, немаше да бидат лидери на европските и светски листи по загаденост на воздухот, велат од ВМРО-ДПМНЕ.

-Во однос на борбата против загадувањето, СДС буквално ги проспаа седумте години на власт и сега за шест месеци очекуваат чуда да се случат и воздухот наеднаш да стане чист без штетните честички. Кога СДС предлагаат некои мерки добро е да се информираат, или барем да изгуглаат, па ќе видат дека тие мерки што ги предлагаат како итни, веќе се донесени и се имплементираат. Владата веќе донесе Акциски план за чист воздух за период 2024-2025 година, кој вклучува имплементација на краткорочни мерки на национално ниво за намалување на емисиите на цврсти и штетни честички. Овој Акциски план е изработен од Министерството за животна средина и просторно планирање и е донесен 21 ноември 2024 година. Во него се предвидени сите мерки кои СДС сега како загрижена опозиција ги предлага, како што се правилно користење на огревното дрво за затоплување на домовите, вонредни инспекциски надзори на инсталации со А и Б интегрирани еколошки дозволи, вонредни контроли на станиците за технички преглед на возила, вонредни контроли на техничката исправност на возилата, редовно чистење на атмосферските шахти и миење на улиците и тротоарите, вонредни контроли на градилиштата, строга забрана за горење на отворено и така натаму, велат од партијата.

Исто така, се доделија и ваучери за инвертер клими со цел промена на начинот на затоплување на домовите и истата мерка ќе продолжи и годинава.

-Освен овие краткорочни мерки кои се на сила и се спроведуваат, за да се реши проблемот со загадувањето потребни се и долгорочни мерки и инвестиции како што е изградба на гасна централа, која ќе овозможи еколошки и пристапен за сите начин на затоплување на домовите и конкурентна енергија за стопанството и индустриските капацитети. За изградба на една ваква централа, веќе има заинтересиран инвеститор и ВМРО-ДПМНЕ интензивно работи што побрзо да се дојде до договор и до нејзина реализација, велат од владејачката партија.

ИЗВОР: kurir.mk

MARKETING

MARKETING

MARKETING

Претходно

Инспектор нападнал началник во ОВР Радовиш – доби кривична пријава и суспензија

Следно

Германскиот канцелар Шолц го блокира финансискиот пакет за помош на Украина вреден милијарди евра

Latest from Blog

СДС да мислеа повеќе на животната средина наместо да крадат кај ќе стигнат, ќе направеа нешто по што ќе може да ги паметиме надвор од криминалните скандали за набавки

Со голема сериозност ги разгледавме предлозите на СДС за аерозагадувањето прашувајќи се зошто, ако воопшто знаеле, како треба до пред 6 месеци со прст не мрднаа за да го решат ова горливо

Во Грција пристигна и последниот Рафал со што се комплетираше нарачката од 24 француски воени авиони

Во базата на грчкото воено воздухопловство во близина на Атина вчера пристигнал уште еден воен авион Рафал, со што се комплетираше набавката од 24 француски „ловци“, што Грција ги нарача во изминатите

Донација на Пекабеско за Детската клиника

Со оваа најнова донација, Пекабеско дава директна поддршка на активностите на ЈЗУ Универзитетска клиника за детски болести преку донирање на еден инкубатор, два бебитерми и два перфузори директно наменети за Одделот за

Ердоган: Режимот на Асад ја претвори Сирија во фарма за производство на дрога

ИСТАНБУЛ (АА) – Турскиот претседател Реџеп Таип Ердоган денес изјави дека соборениот режим на Башар Асад ја претворил Сирија во центар за производство на дрога и извор на нестабилност во регионот, јавува
Go toTop