Денес ја одбележуваме 35-годишнината од независноста на Република Северна Македонија, историски датум кој ја претставува волјата на граѓаните да живеат во слободна, демократска и суверена држава.
Овој ден им припаѓа на сите граѓани на земјата, без разлика на нивната етничка припадност, јазик, вера или политички убедувања, се вели во честитакта од „Вреди“, по повод 8 Септември.
Тоа е ден, додаваат од партијата, кој потсетува дека државата се гради со заеднички придонес и дека нашата иднина е посилна кога се почитуваме едни со други и обезбедуваме еднаквост за сите.
„Албанците се нераскинлив дел од историјата, државноста и развојот на оваа земја. Нивниот придонес во изградбата на институциите и зајакнувањето на нашето општество е нераскинлив дел од идентитетот на Република Северна Македонија.
Во 35 години независност, земјата помина низ бројни предизвици и направи значајни чекори напред. Денес, наша одговорност е да изградиме функционална, демократска и економски развиена држава, во која еднаквоста, правдата и владеењето на правото се секојдневни вредности, а не само принципи на хартија“.
За „Вреди“, европскиот пат на Северна Македонија, како што потенцираат од таму, нема алтернатива. „Интеграцијата во Европската Унија значи повисоки стандарди, повеќе можности за граѓаните, посилни институции и посигурна иднина за младите генерации.
Да ја одбележиме оваа 35-годишнина со гордост за она што сме го постигнале, но и со одговорност за она што треба да го изградиме“.
