Владата преку Министерството за локална самоуправа и во партнерство со УНДП и Швајцарска амбасада пристапува кон процес на дебата за промени на Законот за локална самоуправа

October 18, 2024
1 min read

На 18.10.2024 година, во Владата на Северна Македонија се одржа настан со кој отпочнува на процесот на темелна анализа со цел унапредување на Законот за локалната самоуправа.

Настанот беше организиран во соработка со Министерството за локална самоуправа, УНДП и Амбасадата на Швајцарија, со учество на експерти од областа.

Премиерот Христијан Мицкоски, во своето обраќање посочи дека Законот за локалната самоуправа функционира успешно речиси две децении и дека го положи тестот на времето, но дека праксата покажува дека потребни се унапредувања за подобрување на транспарентноста и отчетноста на локално ниво.

„Во согласност со највисоките европски практики и стандарди, дел од темите што ќе се разгледуваат е воведувањето на комунална редарска служба, со цел подобрување на јавниот ред и зачувување на јавните добра, како и зајакнување на отчетноста на локалните функционери“, истакна премиерот, нагласувајќи дека ова ќе биде инклузивен и отворен процес, во кој ќе учествуваат граѓаните, експертите и сите засегнати страни, со крајна цел подобрување на системот на локалната самоуправа.

Министерот за локална самоуправа Златко Перински, исто така ја потенцираше важноста на реформите во локалната самоуправа, истакнувајќи дека оваа анализа ќе овозможи идентификација на слабостите и ќе доведе до конкретни решенија кои ќе ја подобрат ефикасноста на општините. Министерот се осврна на потребата од воведување механизми за поголема одговорност на избраните функционери, како и подобрување на јавните услуги, особено во делот на комуналните дејности.

На настанот беше истакната важната улога на меѓународната заедница, особено УНДП и Амбасадата на Швајцарија, кои имаат клучна улога во поддршката и развојот на системот на локалната самоуправа. Партнерството со овие организации ќе продолжи да се развива со цел обезбедување на уште посилни општини и подобар квалитет на живот за граѓаните.

Ова е почеток на широк повеќемесечен консултативен процес кој ќе доведе до натамошно унапредување на Законот за локалната самоуправа, следејќи ги највисоките европски стандарди и практики.

ИЗВОР: ТВ 21

VERO JUMBO MACEDONIA

EVN MACEDONIA

MARKETING

Претходно

Македонската книжевност и оваа година на Саемот на книгата во Франкфурт

Следно

Денес во Велес е ден на жалост за тројцата велешани кои загинаа во сообраќајка

Latest from Blog

Чаир добива нова канализација и водовод – Меџити на терен

Првиот-вицепремиер и министер за животна средина Изет Меџити денеска ја посети улицата 157 во населба Гази Баба, каде што работите на инфраструктурниот проект се одвиваат со забрзано темпо. Канализацијата за атмосферски води

„Моја Кравица“ ја стартува својата прва национална наградна игра во Македонија

Бимилк со гордост ја претставува својата прва наградна игра за брендот Моја Кравица во Македонија, под слоганот „Исполни си ги желбите со Моја Кравица!“. Наградната игра ќе трае од 15 септември до

Возачите на „Шкода“ најмногу пцујат, меѓу британските возачи

Британскиот интернет-портал „Казино-онлајн“ испита 2.000 возачи од Велика Британија, за „богатиот речник и елоквентноста зад воланот“. Прашањето гласело: Дали, како возач, пцуете и колку често го правите тоа додека возите? – Порано
Go toTop