Идната недела ССМ на блокади, УПОЗ во обид да го скрои договорот за повисоки плати во нивните редови. Во Министерството за финансии попладнево синдикатот и надлежните ќе работата на документот со кои вработените во правосудството и управата во април и следните две години ќе добијат осум проценти покачена плата или вкупно 24 отсто како и сумата од законското зголемување на минималецот во тој период.
Примерокот потоа треба да се достави до министерства, синдикати, претседатели на судови, јавни обвинители и други. Во договорот треба да биде наведено и колку работници ќе бидат опфатени, но од УПОЗ се бара во документот да стои и дека се брише еден член од Општиот колективен договор – пресметувањето на коефициентот на сложеност за вработените во јавниот сектор.
Доколку се биде како што треба идната недела треба да се стави потпис на договореното.
Но, од друга страна борбата на синдикатите за повисок минималец продолжува. Следната недела ССМ прво ќе го блокира Собранието, потоа бизнис секторот и на крајот Владата.
Ако и по ова не се промени нешто, следи генерален штрајк, а не се исклучува можноста и од уште еден поголем протест на синдикатите.
ССМ бара минималната плата да порасне на 600 евра, а сите останати да се зголемат за најмалку 100 евра. Нивните барања ги темелат на тоа дека изминатиов период трошоците сериозно пораснаа, а примањата на граѓаните не можат да следат овој тренд. Само за пример за две години синдикалната минимална кошничка е порасната за над 9000 денари, а минималната плата за нешто над 4.000 денари.
Според, анализите во регионов, само Косово има пониска минималната плата од онаа која се исплаќа во земјава.
Во меѓувреме ССМ поднесе и предлог до пратениците за кратење на функционерските плати, преку намалување на коефициентите и вметнување на минималецот како основ за пресметување на нивните примања.
Инаку, годинава ако нема корекција на коефициентите, функционерските плати ќе скокна за 200 до 250 евра. На прашање на Телма дали како претходните две години и овој пат ќе се направи тоа за да нема нов скок, од Владата одговорија дека годинава усогласувањето на нивните примања ќе биде согласно редовните законски регулативи.
Извор: zurnal.mk
