Иван Стоиљковиќ, Заменик претседател на Владата на Северна Македонија и министер за односи меѓу заедниците и претседател на Демократската партија на Србите во Македонија, во објава на социјалните мрежи напиша:
„Напумпамо ве на избори! Да не сакате и неко дуго пумпање? Затвори чекав…“, како реакција на претходен пост на организацискиот секретар на СДСМ Мартин Костовски, кој на Фејсбук изрази поддршка за студентите и за граѓаните на Србија во врска со денешниот голем протест во Белград.
СДСМ најостро ги осуди шокантните навреди од вицепремиерот на Мицкоски, Иван Стоилковиќ кон организациоскиот секретар на СДСМ, Мартин Костовоски на Фејсбук.
Во реакцијата на СДСМ се наведува:
Пораката кон Мартин Костовоски од страна на Стоилковиќ и прашање дали сакал да го „напумпа“, е скандал и демонстрација на врвен простотилук од страна на високиот владин функционер.
Ова ниско ниво на комуникација и закани на вицепремиерот е доказ за безобразието и злобата на претствниците на власта која се демонстрира кон опозцијата. СДСМ бара итно оставка од Стоилковиќ по овој скандал, доколку самиот не се повлече Мицкоски мора веднаш да го разреши.
Го прашуваме Мицкоски дали тој се согласува со ваквата изјава на Стоилковиќ и дали ја оправдува? Дали ова е новото нормално во комуникацијата на владините функционери и дали овие закани и навреди стануваат секојдневна пракса?
Срамно, ниско и недозволиво. СДСМ му дава целосна поддршка на Костовски, за оваа навреда и закана ќе поднесеме претставки до институциите.
Инаку, објавата на Стоиљковиќ е поврзана со големиот протест кој денеска се одржува во Белград во организација на „Студенти во блокада“.
Рацин.мк го замоли Иван Стоиљковиќ да ни ја протолкува оваа негова изјава на Фејсбук?
Го прашавме што значи тоа „Да не сакате и неко дуго пумпање и да појасни дали мисли на „дуго“ или на „друго“ пумпање за да не препознае јавноста дека неговата објава е навредлива и безобразна.
И на крајот го прашавме каков е неговиот став за настаните во Србија и дали тој став го споделил со членовите на македонската влада и каков е нивниот став за неговиот став?
До објавувањето на овој текст нема одговори од господинот Стоиљковиќ, но штом ќе ги добиеме веднаш ќе ги објавиме.
ИЗВОР: racin.mk
